Рудникот Саса се наоѓа во североисточна Северна Македонија, приближно 150 километри источно од главниот град Скопје и 10 километри северно од локалниот град Македонска Каменица. Саса се наоѓа во српско-македонскиот масив, каде има присуство на голем број наоѓалишта на олово и цинк и се протега низ Србија, Северна Македонија, Бугарија, источна Грција и завршува во Турција.
Наоѓалиштата на рудникот, Свиња Река и Голема Река се наоѓаат на источното крило на наоѓалиштето на бакар молибден порфир во Осогово.
Минерализацијата се јавува во вид на стратиформно наоѓалиште водено претежно од: шкрилци и циполини во Свиња река и гнајсеви во Голема река. Хидро термалните флуиди и паралелни раседи во основата се одговорни за метасоматските процеси на седиментите кои што се преобразуваат во скарнот и минерализација на основните метали. Наоѓалиштето е со добро дефинирани сочива на олово-цинкова и минерализација на сребро, која што има агол на залегање околу 35 степени и опсег на моќност од 2 до 30м.
