Во Саса обезбедуваме менза во која секој вработен може да избере од три вида топли оброци во текот на работното време, заедно со 2 дополнителни опции за сув оброк. Нудиме и организиран превоз до и од општините М. Каменица, Виница, Кочани и Делчево, со покриени патни трошоци за оние кои патуваат од други градови и не ротираат во смени.

Покрај основната плата, која е приближно 50-60% повисока од просечната исплатена плата во Македонија, вработените во Саса добиваат бонус за Денот на рударите и за Нова година, како и квартални бонуси. Овие дополнителни парични награди се засноваат на придонеси за здравјето и безбедноста на работното место, како и на постигнување безбедно и стабилно производство.

Вработените имаат и редовни додатоци на плата за прекувремена работа, ноќна смена, работа во смени и работа во недела, кои се за 5% до 15% повисоки од оние што ги налага општиот колективен договор што важи за сите компании и работодавачи во Северна Македонија. Вработените кои работат во јама добиваат дополнителни 15% додаток за работа во јама.

Да резимираме, Саса ги нуди следните додатоци на плата во споредба со колективниот договор:

Саса нуди минимум 21 ден за одмор за сите вработени, со дополнително слободни денови предвидено за оние кои работат во оперативните области. Исто така, нудиме денови со платено отсуство за низа лични и семејни потреби, повеќе од законските барања. За повеќе детали, ве молиме консултирајте се со вработен на Одделот за човечки ресурси за време на процесот на вработување.

Дополнителни бенефити за платено отсуство, повеќе од законските барања, вклучуваат:

- Слободен ден за вакцинација на дете
- Флексибилно отсуство за лични или семејни околности
- Продолжено отсуство за значајни семејни или лични работи

Саса е посветена на личниот и професионалниот развој на своите вработени, редовно организирајќи различни програми за обука. На вработените им се нудат и можности да аплицираат за стипендии за додипломски, постдипломски и докторски студии како дел од нивниот професионален развој.

Дополнително, рудникот Саса формираше свој посветен тим за обука во 2021 година, кој одржува различни обуки, вклучително и јазични курсеви, обука за технички и меки вештини и програми за сертификација.

Во Саса, се гордееме што организираме прослави за нашите вработени, клучните пресвртници и локалната заедница во која работиме. Ги почитуваме нашите традиционални вредности и уживаме да создаваме трајни спомени преку заеднички прослави. Како пример може да ги наведиме:

- Новогодишни прослави – Вработените добиваат подароци по повод овој настан.

- Меѓународен ден на жената – Вработените од женскиот пол добиваат посебни подароци.

- Велигден – На секој вработен му подаруваме по половина јагне како дел од нашите празнични традиции.

 - Роденденски прослави – Во Саса славиме два значајни родендени. Првиот е на 12-ти јуни, во чест на рестартирањето на Саса во 2005 година, а вториот е на 6-ти ноември, што го означува официјалното преземање на Саса од страна на CAML во 2017 година. 

- Ден на рударите (28 август) – Ова е длабоко значаен ден за жителите на Каменица, истакнувајќи ја важноста на рударството за заедницата. Вработените добиваат подароци, парични бонуси, а се одржува и голема прослава. На овој ден ги препознаваме и извонредните достигнувања на различни вработени од изминатата година и го избираме НАЈДОБРИОТ рудар за годината.

Како дел од посветеноста на рудникот Саса за промовирање на диверзитетот, инклузијата и благосостојбата на вработените, нашите вработени имаат можност секоја година да учествуваат на скопските маратони Avicena и WizzAir. Во текот на годината, ние исто така организираме редовни сесии за аеробик за нашите вработени од женскиот пол и одржуваме годишен фудбалски турнир, поттикнувајќи пријателска конкуренција помеѓу нашите тимови и соработници. Овие иницијативи ја одразуваат нашата посветеност на создавање на поддржувачка и активна работна средина за сите вработени.